Монгол Улсаас АНУ-ын Сан Франциско хотод суугаа Ерөнхий консулын газар 2012 оны 5 дугаар сарын 19-ний Бямба гаригт 13.00-15.00 цагт Оакланд хотын Вашингтон Инн зочид буудалд иргэдтэй уулзалт, яриа хийхээр болсныг үүгээр Та бүхэндээ мэдээлж байна. Энэхүү уулзалтаар ЕКГ-ын чиг үүрэг, үйл ажиллагаа, түүний дотор иргэдэд үзүүлэх консулын болон нотариатын үйлчилгээ, өнөөг хүртэлх хугацаанд хийсэн ажил, цаашид хийхээр төлөвлөж буй ажил, зорилтынхоо талаар танилцуулж, АНУ-д суралцаж, ажиллаж, амьдарч буй иргэдийн өмнө тулгамдаад буй асуудлаар иргэдийн санал хүсэлтийг сонсож, цаашдын үйл ажиллагааны талаар санал солилцох болно. Мөн УИХ-ын 2012 оны сонгуульд АНУ-д буй иргэд санал өгөх болсонтой холбогдуулан сонгуулийн бэлтгэл ажил, зохион байгуулалтын талаар мэдээлэл хийнэ. Иймд энэхүү арга хэмжээнд Та бүхнийг өргөнөөр оролцохыг урьж байна.

Уулзалт хийх хаяг: The Washington Inn Hotel 495 Tenth Street, Oakland, CA 94607

Ерөнхий консулын газар

2012 оны 5 дугаар сарын 9

Бэй Аэриагийн Монголчуудын Хөлбөмбөгийн Зөвлөлийн 2011-2012 оны лигийн тэмцээн дөрвөн сар гаруй үргэлжлээд саяхан өндөрлөв. БАМХЗ-ийн “Хийморь” баг лигийн тэмцээний зохион байгуулалт,тэмцээний шагналын санг гаргаж буй тул “Хийморь” лиг нэрийн доор энэхүү тэмцээн явагдсан билээ. Ер нь БАМХЗ байгуулагдсанаас хойш Лигийн тэмцээн гурав дахь удаагаа болж буй нь энэ. Анхны лигийн тэмцээн 2009 онд зохиогдсон түүхтэй. Тэмцээний ерөнхий спонсорын нэрийн доор лигээ явуулдаг уламжлалаар “Англо-Фрейт лиг 2009” хэмээн нэрлэгдсэн анхны тэрхүү лиги д долоон баг өрсөлдөж байсан. 2010 онд Бэй Аэриачууд Америкийн Монголчуудын хөлбөмбөгийн аварга шалгаруулах тэмцээнийг суугуул нутагтаа хүлээн авч, зохион байгуулсан тул бүх анхаарлаа, бүх хүчээ энэ том тэмцээнд хандуулж лигийн тэмцээнээ “өнжсөн” билээ.

Харин 2010-2011 оны улиралд “Хийморь лиг” хэмээн зохиогдож 6 баг өрсөлдсөн. 2011-2012 оны БАМХЗ-ийн лигийн тэмцээн “Хийморь лиг” хэмээх нэрийн доор өнгөрөгч 2011 оны 12 дугаар сард гараагаа эхэлсэн. Энэ удаа “Гарьд”, “Таван цагариг”, “Темескал Рэйдерс”, “Хар ирвэс”, “Хийморь”, “Хүлэг” гэсэн зургаан баг оролцон 10 тойрог тоглосон. Баг тус бүр 10 удаа тоглосны дараа өндөр оноотой дөрвөн баг хагас шигшээд хүч үзэх эрх авсан . Ингээд хагас шигшээд “Хийморь”-“Гарьд”, “Тэмескал”-“Хүлэг” багууд хүч үзсэн. “Хийморь” –“Гарьд” багуудын тоглолт үнэхээр сонирхолтой болсон.

АНУ-д суралцагч оюутан залуучууд дуу хоолойгоо Монголын төр засагт хүргэх зорилготойгоор хийж байгаа ''Надад хэлэх үг байна'' 2 илтгэлийн уралдаанд Чикаго, Лос Анжелос , Санфранциско , Оакланд хотын оюутан залуучууд оролцсон. 3-р сарын 31-нд холоос ирсэн оюутан залуучуудад Сан Франциско хотыг танилцуулж , 4 р сарын 1-нд уралдаанаа зохион байгуулсан байна. Ийнхүү Монгол оюутан залуучууд холын нутагт танилцаж нөхөрлөн санаа оноогоо солилцсон '' Надад хэлэх үг байна 2 ''арга хэмжээнээс хийсэн сурвалжлагаа үзэгч та бүхэндээ Калифорнийн Монголчууд студи хүргэж байна. Та бүхэн энд дарж нэвтрүүлгээ үзнэ үү!
Бидэнтэй харилцах емэйл xаяг: Энэ и-мэйл хаягийг спамботоос хамгаалсан. Та үзэхийн тулд JavaScript идэвхжүүлэх хэрэгтэй. .