Нэг сарын эхээр ачуулсан ачаагаа авахаар нэгдүгээр хороололд байрлах Амеx-н Монгол дахь салбарт очиж гэрийнхээ хуучин эд хогшилоо авах санаатай очлоо. Хэрэндээ гайхал төрүүлсэн явдал нь миний хэдэн хайрцагнууд бүгд байшингийн гадаа харагдана. Тоо ёсоороо хүлээн авсан ч, өөрийнхөө ачаагаа авах гэж байгаа хүний хувьд гадаа ил шороон дунд байгаа байдлийг нь харахад нэг их сайхан санагдсангүй.

Удахгүй тэндээсээ Портер (энд нэлээд хэрэглэгдэх болсон бага оврын ачааны машин) гэх Солонгосын ачааны жижиг тэрэг хөлслөн гэрийн зүг явж байх зуураа дараахь зурагнуудыг дарсан юм. Ачааны тэрэг хотын төв замаар явж болохгүй тул урдуураа явсан нь энэ.

1. Түгжрэл

2. Компьютер зардаг лангуунуудтай дэлгүүрт орж үзэв

 

1. За нэг иймэрхүү зүйлс авахад 64000 төг болж байна лээ

2. Бэхэлгээ хийгээгүй болоод налуулж тавьсан уу, салхинд өөрөө ойчов уу? Хүүхдүүд бэртэж гэмтэнэ гэж санаа зовоод хажуулдуулаад тавьсан байлгүй дээ...

1. Москва рестораны хажуу талын барилга

2. Иймэрхүү машин бол зүгээр хаа сайгүй

Орлоо.комын 7-н жилийн ойн баяр, Мартын 8-ны баяр давхацсан энэхүү оройг Вашингтон Ди Си хот орчмын Монголчууд маань хөгжилтэй сайхан өнгөрүүллээ.

Орлоо.ком-той өнгөрсөн хугацаанд тууштай хамтран ажилласан бизнес түнш Sammy Auto Service-н хамт олон, зохиогчийн булангийн зохиогч Г. Галбадрах, Л. Батбаяр, хамтран ажилладаг 15 минут студийн Ё. Батбаяр, С. Ганчимэг нар Орлоо.комын өргөмжлөл хүртэж, мөн олон улсын эмэгтэйчүүдийн баярыг тохиолдуулан 1990-д оноос гудамжны хүүхдүүд бий болж байх үед тэднийг хооллож ундалж, асардаг Хүүхдийн төвийг анхлан санаачилж байгуулж байсан, мөн  дэлхийд Монголынхоо нэрийг гаргаж яваа сайн хүү (Америкийн ерөнхийлөгч Б. Обамагийн кампанит ажлын вэб дизайнераар ажилладаг  Ганболд) төрүүлсэн Ч. Эрдэнэчимэгийг ''Ачит ээж''-ээр өргөмжлөв. Харин залуу бүсгүчүүлийн төлөөлөл болгон В. Болорыг 5 хүүхдээ эрүүл саруул өгсөхийн зэрэгцээ Виржиниа мужийн Арлингтон хотын Хофман Болстоны бага сургуульд сувилагчийн ажил хийн бусад залуу ээжүүдэд үлгэр дуурайл болон явааг нь үнэлэн “Бахархалт ээж” өргөмжлөлийг тус тус олгов. (Та бүхэн дэлгэрэнгүй дээр дарж зургуудыг үзээрэй!)

(WAMCA) Вашингтон Ди Си орчмын Монголчуудын Холбооноос зохиогддог Төв Ёолк 12/30-ны орой Виржиниа мужийн Арлингтон дүүрэгт боллоо.  WAMCA 10 жилийн турш Монголчуудынхаа төлөө наадам, цагаан сар, шинэ жилийн арга хэмжээнүүдийг жил алгасалгүй 10 жил тасралтгүй  хийсээр ирсэн билээ. Тийм ч учраас ДС хот орчмын монголчуудын нэгдлийг харуулан Төв Ёолк хэмээн шинэ жилийн цэнгүүнээ нэрлэсэн юм.

Хүүхэд залуусаас авахуулаад хөгшид буурлуудаа дагуулан ирдэг энэ баярын үдэшлэгт уламжлал болсон арга хэмжээнүүдийн нэг бол  Ди Си хот орчмын Монголчуудын оны  шилдгүүдээ шалгаруулах  түүгээрээ олон сайхан үйлс хийж бүтээж буй шинэ холбоод, урлаг соёлын  болон бизнесийн байгууллага, хувь хүмүүсийг шалгаруулдаг явдал юм. Энэ жилийн Оны шилдгүүдээр соёлын тэргүүний ажилтан Ж. Болормаа, зураач Ганхуяг, ЮМОН ТВ Уранчимэг,  Дэлхийгээр тархан суугаа Монголчуудын мэдээ мэдээллийн нэгдсэн сайт Орлоо.ком /Outstanding Public Service Award/, Монгол Америк Эмэгтэйчүүдийн Холбоо, эмэгтэйчүүдийн Соёл Холбоо нар орлоо. (Дэлгэрэнгүй дээр дарж фото сурвалжлагыг сонирхоно уу!)

Өнөө цагийн өнгөтэй өөдтэй компаниуд
Дэлгэрцогт, Ганзориг, Ганболд, Сандагаатангууд
Бан, жин мөнгө атгасан бат халуун тусламжийн гараа
Байн байн бөгөөд байнга байнга сунгаж
Буцалтгүй бөгөөд буцааж авахгүйгээр
Буян хишгээ буурал Вашингтоны хур шиг
Буулгаж байх болтугай!...гэж Орлоогийн нийтлэлч, зохиолч сэтгүүлч Л.Батбаяр Монгол Сургуулийн 5 жилийн ойд зориулан ерөөл айлдаж,айлчилж ирсэн зочдынхоо сонорыг мялааж,сэтгэлийг баясгасан нь энэ үдшийн нэгэн том гэнэтийн бэлэг байлаа. М.Мөнгөнцэцэг, Д.Нямсүрэн нар анх санаачлан ахмад багш,сурган хүмүүжүүлэгч, найз нөхөдтэйгээ хамтран АНУ-ын нийслэл дэх Монгол Сургуулийн өрхийг татаж, үүдийг нээсэн нь өдгөө 5 нас хүрчээ. Ийнхүү 62 дотоод гадаадын сурагчидтай,үндсэн 8 багштайгаар үйл ажиллагаагаа эхэлж байсан сургууль маань өнөөдөр албан бус тоогоор 400 гаруй оюутан сурагчдын сурч төгссөн, суралцаж буй эрдмийн их өргөө болсон нь бахархалтай.

Хөтлөгч Д.Адилзаяа: Ерийн малчдын хотоос
Ертөнцийн дэвжээнд хүргэсэн

Вашингтон ДС хот орчмын тамирчдын шинэ жил 12/24-нд болж өнгөрлөө. Жил болгон уламлал болоод буй уг ёолконд тухайн жилд амжилт гаргасан тамирчдаасаа шилдэгүүдээ шалгаруулж шинэ жилээ хамтран угтдаг заншилтай юм.

Зургаа янзлаж суух зуур өмнөх жилүүдийн 2009, 2010 онуудын Болор Үдшийн фолдэрүүд байхыг харан өөрийн эрхгүй цаг хугацаа улиран одож шинэ жил, шинэ нас ирсээр байгаа ч дижитал болж үлдсэн эдгээр л зураг залуу насны гал дөлөөр бадарч явах тэрхүү гэгээлэг сайхан агшингуудаар бидний тэртээх он жилүүдийн баяр баясгаланг эргэн авчрах мэт....

Ийнхүү тамирчдынхаа шинэ жилийн үдэшлэгт уригдан очоод дараах зурагнуудыг дурсгал болон авсан билээ. Орлоо.ком ДС хот орчмын тэмцээн спортын үйл ажиллагааны мэдээ мэдээллийг байнга сурталчилж ирсэнийг маань үнэлж Best Sponsor болгосонд ихэд баярласнаа энд хэлэх нь зүйтэй гэж бодож байна.

Олимп, Дэлхийн аваргийн дэвжээнүүдээс авсан медал эрэмбээрээ дуудагдан гарч ирцгээж байсан нэрсийг нь дурдаад дуусашгүй олон спортын мастерууд нэг доор зургаа авахуулсаныг та бүхэн харах болно.

Аз жаргалыг бэлэглэгч
Алдрай бяцхан үрс маань
Энэ ертөнцийн гэрэл гэгээ
Энхрий бяцхан үрс маань
Сүлд модныхоо наадмыг
Сүр дуулиантай тэмдэглэлээ
Эрээн гоё хувцастай
Эвлэгхэн бүжигч алиалагчид
Энүүгээр тэрүүгээр гүйж
Ирсэн зочдыг хөгжөөнө
Шидэт авхай хүрэлцэн ирж
Шинэ он солигдохын өмнө

АНУ-ын нийслэл дэх Монгол Сургууль үүсэн байгуулагдсаны 5 жилийн ойн баярын 2 дахь том арга хэмжээг Монголын ЭСЯ болон Монгол Сургууль хамтран зохион байгууллаа. Уг арга хэмжээ 12/03/11-ний Бямба гаригт оройн 5 цагт Монголын ЭСЯ-ны хүлээн авалтын танхимд болсон юм. Монгол Сургуулийн захирал, МУСТА М.Мөнгөнцэцэг зочиддоо хандан мэндчилж, урилгыг хүлээн авч, хүрэлцэн ирсэнд талархал илэрхийллээ.

Энэ үдэш Арлингтон хотын ЕБГ-н Dr.Patrick Murphy, Арлингтон хотын ИЗ-ийн дарга Stanley Karson, Mонгол сургуулийн УЗ-ийн тэргүүн James Frankosky,Монголч эрдэмтэн Alicia Camp,  Монгол нийгэмлэгийн тэргүүн Francesca Mcdonald тэргүүтэй олон нэр хүндтэй зочид хүрэлцэн иржээ. Захирал энэ үдшийн хүндэт зочдоо танилцуулаад АНУ-д суугаа онц бөгөөд бүрэн эрхт Элчин сайд Хасбазарын Бэхбатыг микрофоны өмнө урьлаа. Ноён Х.Бэхбат ирсэн гийчдэд оройн мэнд дэвшүүлж, Монгол сургуулийнхаа 5 жилийн ойн арга хэмжээнд зочилж ирсэнд талархав. (Энэ мэдээ: 96 зурагтай)

СТА Эрдэнэтунгалагийн Вашингтон Ди Си хот орчмын Монголчууддаа хийсэн тоглолт өмнөх тоглолтуудаас ялгаатай нь үзэгчдийгээ оролцуулсан, илүү үзэгчидтэйгээ харьцсан тоглолт боллоо. Тоглолт цагтаа эхлэж нэг оройг инээд баясал, уянгын халил, бүжиг цэнгүүнтэй үдэш байлаа.

Дуучин маань тоглолтоо үргэлжлүүлэн магргааш 10/12-ны орой Денвер хотноо, Сиатл хотноо 10/14, Сан Франциско хотноо 10/15, Лос Анжелес хотноо 10/16-нд тус тус "Хайрлаарай" тоглолтоо өргөн барих гэж байна.

Хүннү Гүрэн байгуулагдсаны 2220 жилийн ой, Их Монгол Улс байгуулагдсаны 805 жилийн ой, Тусгаар Тогтнолын 100 жилийн ой, Ардын Хувьсгалын 90 жилийн ойн баярыг тохиолдуулан наадсан наадамд нийт 32 хүчит бөхчүүд зодоглож  шөвгийн дөрөвт  Улсын начин Эрхэмбаяр, Арлингтоны арслан Сүлдбаяр, Аймгийн заан Бат-Эрдэнэ, Сумын заан Одбаяр нар тунаж үлдлээ. Аймгийн заан Бат-Эрдэнэ үзүүрлэж, Сумын заан Одбаяр түрүүлж хотол олноо баярлууллаа.
Шатрын тэмцээнд:
1. Содномдаржаа
2. Сэржийн Мөнгөнбаатар

Хүүхдийн шатрын тэмцээнд:
1. Зоригоогийн Чинзориг
2. Баярмагнайгийн Мөнхтөр

Дэлгэрэнгүй дээр дарж фото сурвалжлагаа үзээрэй. Нийт 355 зурагтай!

 

Dance Asia Alliance хамтлагийн дэргэдэх бүжгийн дугуйлан нь бага насны хүүхдүүдэд  сонгодог бүжиг болон монгол ардын бүжиг заадаг.  Багш нь Улсын эрдмийн дуу бүжгийн чуулгын бүжигчин Дэлгэрмаа, 3 дахь жилдээ хичээллүүлж байна.

Нэг улирлын хичээл нь 3-4 сар, 1 долоо хоногт 1 цаг, 2 дахь 7 хоногт 2 цагийн  хуваарьтайгаар явагддаг. Энэ дугуйлангийн хүүхдүүд бага нь 3 хагас, том нь  7-8 настай ажээ. 8 хүүхэдтэй анги маань 3 сар хагас хичээллэсэн. Тэд Монголчуудын шинэ жилийн баярт Цасан охид болж бүжиглэсэн. Бүх улирлын хичээлийн төгсгөлд ээж аавууддаа зориулж  нээлттэй хичээл хийж ямар бүжиг сурсанаа харуулдаг. Энэ удаагийн анги нь 3 бүжигтэй төгссөн. Үүнд:  Snow girls, Мэндчилгээ,  Fairy tale (Дэлгэрэнгүй дээр дарж зургуудыг үзнэ үү!)